بسم الله الرحمن الرحيم
السلام عليكم و رحمة الله و بركاته
المدونة دى يا جماعة لمقالات فى التاريخ و الفلك و الهندسة على وجه الخصوص و ممكن تتناول مواضيع تانية و كلها مواضيع انا شخصيا مهتم بيها بشكل كبير و معظمها اراء شخصية ليا
المدونة دى بتاعت مين ؟؟
المدونة دى ليا انا محمد صلاح تقدر تشوف مقالة عنى فى المدونة التانية اللى بأسمى بقى محمد صلاح ... مهندس مدنى و مهتم بمواضيع التاريخ و الفلك ... و بحب انى اكتب عن المواضيع دى... كل كتابة هكتبها فى الموضوع ده لابد ان يكون ليها مصادر سواء من كتب مواقع على الانترنت قنوات على اليوتيوب و غيرها بحيث المقالات دى تقدر تفهمك بجد الموضوع اللى انا بتكلم فيه و تستخدم معلوماتها فى اى حاجه انت عايزها سواء بحث او شرح لموضوع فى الكلية او المدرسة او غيره ...
الحقيقة ان السبب الحقيقى للمدونة دى هو انى عايز اتعلم اكتر فى التلت علوم ... و عايز يكون فى منصة انى اقدر اتناقش فيها مع حد ليه اهتمام فى العلوم دى و يكون حاجه زى كارير جانبى ليا اقدر استفيد منه مستقبلا و كمان يكون ليا قاعدة كبيرة من محبين العلوم دى اقدر اتناقش معاهم فيها على الدوام ... خصوصا انى مشترك فى جروبات تاريخية كتير و لكن دايما مبلاقيش اللى انا عايزه فى الجروبات دى ... سواء لنحيازتهم احيانا و احيانا اخرى مبتناقش فى الموضوع بالطريقة اللى انا عايزها ... فكان الحل الوحيد هو ان يكون ليا منصة خاصة بيا
طبعا المدونة مقالات ... و عملت كمان منتدى صغير لمناقشة المواضيع بصورة اوسع و قناة يوتيوب عشان تدعم بعض المواضيع بفيديوهات و ان يكون عليها مستقبلا برامج علمية فى المواضيع اللى انا مهتم بيها
هل كل ما فى المدونة صحيح ؟
المدونة ليست مرجع علمى بالتأكيد ... و لكن هى مدونة بيتم عرض فيها موضوعات للتعليم منها ... يا جماعة انا ببحث فى التاريخ و الفلك و الهندسة و احيانا بربط العلوم دى ببعض ... فممكن تلاقينى فى مرة بتكلم عن البناء على المريخ مثلا فتلاقينى جبت تخصصى و اتكلمت فى الفلك برضه ... شوية شوية تلاقينى بتكلم عن قصة تانية خالص فى التاريخ عن المنجنيق مثلا و بعدين دخلت فى قصص الprojectiles و المقذوفات و الديناميكا ... عايزكم تدخلوا تبدوا ارائكم و تتناقشوا معايا ... انا هنا بتعلم و الحمدلله على قد ما اقدر بجيب مصادر ... دى من الاخر منصة مذاكرة للى غاوى يعنى ... فهنا انا بتعلم منكم و بتتعلموا منى ...
ليه بكتب باللغة العامية ؟
لحد دلوقتى فى ناس شايفة ان اللغة العربية الفصحى الجميلة صعبة عليهم معرفش ليه فبحاول اساعد عشان ميكونش في حجة و الناس تبدأ تقرأ
اسم المدونة معناه اية ؟
أولا هو الأسم ده غلط ... المفروض كان يبقى اسمه ( أسطرلاب - astrolabe ) ... و بعد كتابة الاسم بالصورة الغلط دى اللى هى عليه دلوقتى و هى ( إسطرلاب - Esterlab ) احتفظت بيه ... و الأسطرلاب هو أول كمبيوتر فى العالم على الأجماع ... هو اداة متعددة المهام تقدر تقولك الوقت بالليل و بالنهار فى الوقت اللى مكانش فيه ساعات و تقدر تعرف بيها الاتجاهات فى البحر و تقدر تعرف بيها اتجاه القبلة و تعرف تعمل بيها الكثير و الكثير هى الة قديمة فيها أصالة التاريخ و براعة الهندسة المساحية و الكثير من الإستخداماااات الفلكية ... هى ألة تجمع التاريخ و الفلك و الهندسة اللى انا بحبهم جدا و العرب المسلمين اللى انا منهم طوروا الألة دى و خدوها فى الغالب عن علماء الأسكندرية اللى هى فى بلدى برضه ... بص تحس ان فى ارتباط قوى بينى و بين الأسطرلاب هههههه ...
المقال ده قابل للزيادة فى فقراته فى اى وقت عشان الناس تفهم وجهة نظرى اكتر ... كل لما الاقى شئ بيوصل وجهة نظرى اكتر و اقدر انى اكلم عنه هبقى اكتبه هنا ان شاء الله
شكرا
و السلام عليكم و رحمة الله و بركاته
المدونة دى بتاعت مين ؟؟
المدونة دى ليا انا محمد صلاح تقدر تشوف مقالة عنى فى المدونة التانية اللى بأسمى بقى محمد صلاح ... مهندس مدنى و مهتم بمواضيع التاريخ و الفلك ... و بحب انى اكتب عن المواضيع دى... كل كتابة هكتبها فى الموضوع ده لابد ان يكون ليها مصادر سواء من كتب مواقع على الانترنت قنوات على اليوتيوب و غيرها بحيث المقالات دى تقدر تفهمك بجد الموضوع اللى انا بتكلم فيه و تستخدم معلوماتها فى اى حاجه انت عايزها سواء بحث او شرح لموضوع فى الكلية او المدرسة او غيره ...
الحقيقة ان السبب الحقيقى للمدونة دى هو انى عايز اتعلم اكتر فى التلت علوم ... و عايز يكون فى منصة انى اقدر اتناقش فيها مع حد ليه اهتمام فى العلوم دى و يكون حاجه زى كارير جانبى ليا اقدر استفيد منه مستقبلا و كمان يكون ليا قاعدة كبيرة من محبين العلوم دى اقدر اتناقش معاهم فيها على الدوام ... خصوصا انى مشترك فى جروبات تاريخية كتير و لكن دايما مبلاقيش اللى انا عايزه فى الجروبات دى ... سواء لنحيازتهم احيانا و احيانا اخرى مبتناقش فى الموضوع بالطريقة اللى انا عايزها ... فكان الحل الوحيد هو ان يكون ليا منصة خاصة بيا
طبعا المدونة مقالات ... و عملت كمان منتدى صغير لمناقشة المواضيع بصورة اوسع و قناة يوتيوب عشان تدعم بعض المواضيع بفيديوهات و ان يكون عليها مستقبلا برامج علمية فى المواضيع اللى انا مهتم بيها
هل كل ما فى المدونة صحيح ؟
المدونة ليست مرجع علمى بالتأكيد ... و لكن هى مدونة بيتم عرض فيها موضوعات للتعليم منها ... يا جماعة انا ببحث فى التاريخ و الفلك و الهندسة و احيانا بربط العلوم دى ببعض ... فممكن تلاقينى فى مرة بتكلم عن البناء على المريخ مثلا فتلاقينى جبت تخصصى و اتكلمت فى الفلك برضه ... شوية شوية تلاقينى بتكلم عن قصة تانية خالص فى التاريخ عن المنجنيق مثلا و بعدين دخلت فى قصص الprojectiles و المقذوفات و الديناميكا ... عايزكم تدخلوا تبدوا ارائكم و تتناقشوا معايا ... انا هنا بتعلم و الحمدلله على قد ما اقدر بجيب مصادر ... دى من الاخر منصة مذاكرة للى غاوى يعنى ... فهنا انا بتعلم منكم و بتتعلموا منى ...
ليه بكتب باللغة العامية ؟
لحد دلوقتى فى ناس شايفة ان اللغة العربية الفصحى الجميلة صعبة عليهم معرفش ليه فبحاول اساعد عشان ميكونش في حجة و الناس تبدأ تقرأ
اسم المدونة معناه اية ؟
أولا هو الأسم ده غلط ... المفروض كان يبقى اسمه ( أسطرلاب - astrolabe ) ... و بعد كتابة الاسم بالصورة الغلط دى اللى هى عليه دلوقتى و هى ( إسطرلاب - Esterlab ) احتفظت بيه ... و الأسطرلاب هو أول كمبيوتر فى العالم على الأجماع ... هو اداة متعددة المهام تقدر تقولك الوقت بالليل و بالنهار فى الوقت اللى مكانش فيه ساعات و تقدر تعرف بيها الاتجاهات فى البحر و تقدر تعرف بيها اتجاه القبلة و تعرف تعمل بيها الكثير و الكثير هى الة قديمة فيها أصالة التاريخ و براعة الهندسة المساحية و الكثير من الإستخداماااات الفلكية ... هى ألة تجمع التاريخ و الفلك و الهندسة اللى انا بحبهم جدا و العرب المسلمين اللى انا منهم طوروا الألة دى و خدوها فى الغالب عن علماء الأسكندرية اللى هى فى بلدى برضه ... بص تحس ان فى ارتباط قوى بينى و بين الأسطرلاب هههههه ...
المقال ده قابل للزيادة فى فقراته فى اى وقت عشان الناس تفهم وجهة نظرى اكتر ... كل لما الاقى شئ بيوصل وجهة نظرى اكتر و اقدر انى اكلم عنه هبقى اكتبه هنا ان شاء الله
شكرا
و السلام عليكم و رحمة الله و بركاته
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.